الفيمارا او اللتروزول والارمطة
الفيمارا او اللتروزول … من اكتر مضادات الارمطة فاعلية خصوصاً مع الناس الحساسة للاستروجين او اللي بيستخدموا جرعات عالية من التستستيرون ومع انواع سترويد بتتأرمط بشكل عالي “زي الدينابول”.من المهم انك تاخد بالك من حبة حاجات مع اللتروزول :
1 – الليتروزول قوي جداً وممكن يخسف الارض بالاستروجين في ايام معدودة … مينفعش تروح تستخدمه كاول اختيار .. ابدا بالارميدكس ولو لقيت انه مش نافع فكر في الفيمارا.
2 – الليتروزول بيقلل من كثافة العظام وده ممكن يؤدي لهشاشة العظام … لو بتستخدم ديكا ماشتغلش بالك اوي بالموضوع ده.
3 – لو بتستخدم الليتروزول مع نولفادكس لعلاج الجينو خلي بالك انك تنزل بجرعة الليتروزول تدريجي قبل ما توقف استخدامه لانه
الاستروجين بعد قمعه بشدة هيرتد بشدة برضوا وممكن يطلع في السما لو وقفت الليتروزول فجأة.
ندخل علي اهم نقطة
4 – الليتروزول له تأثير سلبي علي الكوليسترول … الدراسات الحديثة وجدت ان استخدام التستستيرون منفرد له تأثير محدود علي الكوليسترول لكن حين الجمع بينه وبين مضادات ارمطة فنفس الجرعة “العلاجية” قللت الhdl بنسبة 25%
لازم تخلي من الكوليسترول لو بتستخدم ليتروزول خصوصا لو بتستخدم منشطات اخري بتأثر علي الكوليسترول .. زي البروفيرون مثلاً.
ابعد عن السكريات البسيطة والدهون المهدرجة ودخل اوميجا 3 والعب كارديو .. فيه ناس بتستخدم نولفادكس مخصوص مع الليتروزول لتفادي الاثار السيئة له علي الكوليسترول “النولفادكس له تاثير ايجابي علي الكوليسترول بجرعات قليلة 10 مج في اليوم”
5 – الجرعة اللي اغلب الناس بتبدا بيها مع الليتروزول بتكون 1 مج يوم ويوم … وبعدها بيبداوا يقيسوا نفسهم ويراقبوا الاعراض ويعملوا تحاليل ويشوفوا يقللوا او يزودوا.
