الدليل الشامل عن التودكا وحماية الكبد مع المشطات الفموية
بالتاكيد انا لا اشجع علي تعاطي المنشطات ولا اكتب مقالات تشرح كيفية تعاطي المنشطات لاول مرة
انما بين الحين والاخر انشر بوستات قد تنفع لاعبي كمال الاجسام الذين يتعاطون فعلاً.
بالطبع الدينابول من اشهر المنشطات واول المنشطات التي تم تصنيعها لكن مشكلته انك مينفعش تستخدمه طوال الوقت بسبب انه ينتمي لنوع المنشطات يسمي c17 aa وده له تاثير سلبي علي الكبد.
رغم ان التاثير السلبي مبالغ فيه بسبب دعاية انتشرت ضد الهرمون ده فمثلاً في هذه الدراسة قام الباحثون بمقارنة انزيمات الكبد لـ16 لاعب كمال اجسام تعاطوا منشطات c17 aa و12 لاعب كمال اجسام لم يتعاطوا … حينما توقف الـ16 لاعب كمال اجسام عن تعاطي المنشطات لمدة 3 شهور لم يكن هناك فارق في انزيمات الكبد مع من لم يتعاطي رابط الدراسة (١)
ولكن بالطبع ها لا ينفي وجود تاثير علي الكبد وايضاً عودة انزيمات الكبد لطبيعتها يتطلب ان فترة التعاطي تكون قليلة وبفارق زمني عن الاستخدام اللاحق حتي تستطيع انزيمات الكبد العودة لطبيعتها ويتطلب ايضاً استخدام ادوية لحماية الكبد.
اكثر نوع منتشر في مصر بين مستخدمي المنشطات هو السليمارين “اسماء تجارية ميلك سيثل او ليجالون او سليمارين بلس” لكن بالطبع هذا اقل ادوية حماية الكبد فاعلية خصوصاً ان المتوافر في مصر تكون جرعاته صغيرة “140 مج في الأغلب في حين انك تحتاج 1000 مج” بالطبع العديد من لاعبي كمال الاجسام يتعاطون 7 كبسولات او اكثر يومياً وهذا ليس افضل خيار لانك تحمي الكبد علي حساب الكلي بهذه الطريقة” ويوجد ايضاً liv52 الذي اصبح وجوده نادر في مصر.
اكثر الادوية التي تقوم بحماية الكبد فاعلية “اجري عليها دراسات وثبت فاعليتها هي التودكا “متوافر في مصر تحت اسم اورسوفالك” وخارج مصر موجودة في n2guard وتحت اسم tudca
كيف يعمل التودكا وكيف يفيد ؟ جزء علمي للمتخصصين ومن يريد التعمق في الموضوع “ممكن تتخطي البرجراف ده لو مش فاهم”
التودكا TUDCA ( Tauroursodeoxycholic Acid) – هنقسمها ل مقطعين عشان نفهم – T== ( Taurine )
وده حمض اميني من الاحماض الامينية المكونة للبروتين – UDCA== ( Urso- Deoxy- Cholic-Acid) – حمض ثانوي من العصارات الحمضية والمفيدة للكبد جدا جدا جدا
– الشخص الطبيعي بيتكون في جسمه بنسب كويسة مش بيحتاج ياخد التودكا – الشخص اللي بيعاني وعنده مشاكل في الكبد سواء مريض.
او بياخد سايكل هرمون بيحتاج التودكا بكميات زياده والجسم مش هيقدر يصنعها ويكفي احتياجه عشان كده انت بتاخده من مكمل غذائي خارجي
ماهي طريقه تكوينه وفوائدة؟
– اول مالدهون توصل للامعاء الكبد بيخلي العصارة الصفراوية تخرج العصارات الحمضية المسئولة عن هضم الدهون
( بالبلدي تسيحها ) – في بقي بكتيريا مفيده في الامعاء بتحول العصارات ديه ل UDCA – وبعد كده ال UDCA تمسك في الحمض الاميني اللي هو Taurine عشان يكون TUDCA – يروح التودكا يرجع الكبد تاني.
هنتكلم عن فايده التودكا للجسم عموما:
1 – بيقلل من ارتفاع انزيمات الكبد بنسبه اكبر من السليمارين والانزيمات بتزيد لاسباب كتير مثل زياده الوزن المفرط و السمنة.
2 – اي ضرر للجسم بزيد معاه افراز انزيمات الكبد بنسب مختلفة مثل المنشطات الفموية c17 aa.
3 – التودكا بيمنع مرض cholestasis. “هو مرض صيب الكبد وبيمنع خروج العصارات منه لهضم الدهون وهذا يؤدي لتلف وضرر خلايا الكبد بنسبة كبيرة ” ده خاصية متفردة للتودكا تميزه عن السليمارين لان المرض ده منتشر بين متعاطوا المنشطات “بكميات كبيرة ولفترات طويلة”.
3 – التودكا بيزود من حساسية الانسولين في الجسم.
4 – التودكا بيزود من عمليه تجديد خلايا الكبد وليس فقط حمايتها كباقي الادوية التي تستخدم لحماية الكبد اثناء تعاطي المنشطات.
معلومة علي الهامش لمتعاطوا المنشطات .. قم بابعاد التودكا قدر الامكان عن وقت تناول المنشطات الفموية لانها تقوم بتقليل فاعليته الي حد كبير.
