التحاليل اللازمة قبل سيكل الهرمونات

اغلب اللي بيحصلهم مشاكل من تعاطي المنشطات بيكونوا اخدوها بدون تحاليل قبل التعاطي وده بيكون سبب لكثير من المشاكل.

التحاليل اللي المفروض تعملها قبل المنشطات منها ضروري ومنها ثانوي .. الافضل انك تعمل فحص كامل لكن بما ان ماحدش هايعمل كده فالتحاليل اللي جايه دي هي الضروريات:-

ده تحليل المفروض عموما تجريه بشكل دوري مع المنشطات او من غير لانه بيقولك لو عندك انيميا او مشكلة في كرات الدم البيضاء او الحمراء ونسبة الهيموجلبين ومتوسط حجم الخلايا.

اسمه تحليل الدهنيات في الدم ده يعتبر اهم تحليل لانه بيقولك لو عندك مشكلة في الكوليسترول لانك لو بدأت تاخد هرمونات “بتعلي الكوليسترول” مع نسبة كوليسترول عالية من البداية ممكن يحصلك مشاكل كتير اخطرها الوفاة وده تحليل هاتعمله اثناء ما انت بتاخد المنشطات كمان.

ده مش محتاج شرح ولا كلام كتير … كل الناس عارفه ان الهرمونات بتأثر علي الكبد والكلي ولو بدأت تاخد هرمونات وانت اصلا عندك مشاكل في الكبد والكلي الهرمونات هاتزود المشاكل دي.

قياس ضغط الدم ... لازم تقيس ضغط الدم 3 ايام متتالية عشان الهرمونات بسبب انها بتحبس مياه بتعلي ضغط الدم فا لو انت اصلاً عندك ضغط دم مرتفع ممكن متعرفش تسيطر علي ضغط الدم مع الهرمونات.

قياس درجة الحرارة … المفروض برضوا تقيس درجة الحرارة بشكل دوري عشان فيه نوعيات منشطات بتعلي درجة حرارة الجسم.

فيه انواع فخوصات اخري ممكن تعملها وممكن لا زي انك تعمل تحليل هرمونات عشان لما تخلص السيكل تقارن ده بده وتشوف لو كان حصلك ضرر … تحاليل الهرمونات غالية وكده كده بتتلخبط لما تاخد منشطات وموضوع مقارنة النتائج ببعض ده معتقدش ان له جدوي انما مفيش مانع انك تعمل التحاليل دي وتركز علي الفري تست والتوتال تست والاستروجين والبرولاكتين.

طيب والسؤال المهم : لو لقيت عندي مشكلة في اي تحليل اعمل ايه ؟ اوعي تقرب ناحية حاجة الا لما تروح لدكتور متخصص في المشكلة اللي عندك دي وتعالجها الاول.