البرولاكتين والهرمون
بخصوص البرولاكتين للناس اللي بتاخد منشطات … الاعراض الجانبية لارتفاع البرولاكتين معروفة :
1 – عدم القدرة علي الحفاظ علي الانتصاب
2 – انخفاض “او انعدام” الرغبة الجنسية
3 – بعض الحالات بينزل سائل من الحلمة “للرجال”
ارتفاع البرولاكتين من الاعراض الجانبية المشهورة لانواع سترويد زي الديكا والترنبلون … مؤخراً بقي فيه وعي باهمية الحفاظ علي مستويات البرولاكتين لان الاعراض دي بتكون سيئة جداً.
المشكلة بقي اللي شفتها مؤخراً من كذا حالة ان اللي بياخدوا منشطات بيخافوا جداً من ارتفاع البرولاكتين “خصوصاً المتزوجين” فا بيبالغوا في جرعات الادوية اللي بتخفض من مستويات البرولاكتين.
المبالغة دي بيكون لها اثر سيء … هو ان انخفاض مستويات البرولاكتين له علاقة بالمشاكل الجنسية عند الرجال. فيه دراسة اوروبية اجريت علي 3000 حالة وجدت ان انخفاض مستويات البرولاكتين مرتبط بشكل رئيسي مع وجود مشاكل جنسية عند الرجال.
المشكلة بقي ان انخفاض مستويات البرولاكتين ملوش علاج معروف ومواقع طبية زي webmd بتقولك ان الحالة دي hypopituitarism لا تستدعي علاج .. طبعاً انت مش بتوصل للحالة دي من استخدامك لادوية لكن قريب منها.
طبعاً دي حالة نادرة مش بتحصل الا للي بياخدوا ادوية خارج نطاق استخدامها “زي لعيبة كمال الاجسام كده”
خلوا بالكوا بقي وكله بالعقل لانك لو نزلت مستويات البرولاكتين لاقل من معدلاتها بكتير فا ده معناه انك هاتقعد حاطط ايدك علي خدك مستني انه يتعدل لوحده خلال كام اسبوع لان البرولاكتين مش بيعمل rebound بسرعة.
